Ramen qızı

Sevgilisinin xəyanətindən sarsılan Ebbi yad bir şəhərdə, Tokioda tək qalır. Başına gələnləri tam dərk edə bilməsə də, o, vətəninə qayıtmağa tələsmir. Vaxtını keçirmək üçün gənc qadın yerli ramen şorbası bişirilən kiçik bir restorana işə düzəlir.

Bu yeməyin qonaqlara göstərdiyi təsiri görən Ebbi şorbanın hazırlanma sirlərini öyrənmək qərarına gəlir. O, mətbəxin əsəbi və tələbkar yapon aşpazından ona dərslər keçməsini xahiş edir. Şıltaq usta əcnəbi tələbəsini bir sıra çətin sınaqlardan keçirir, lakin sonda əsas sirrini onunla bölüşür.

«The Ramen Girl» filmi dram və komediya janrlarını birləşdirir. ABŞ və Yaponiya istehsalı olan bu ekran əsərini 2008-ci ildə rejissor Rober Allan Akerman lentə alıb.