Armavir

Sərnişin gəmisinin qəzaya uğramasından sonra Marina adlı gənc qadın itkin düşür. Onu axtarmağa iki doğma insan yollanır: səyahət zamanı rəsmi nikaha girdiyi əri və bu yaxınlarda yanından qaçdığı atası. Bir-birinə nifrət bəsləyən bu iki kişi fəlakətdən zərər çəkənlər və şahidlər arasında çıxış yolu axtarmaq məcburiyyətində qalırlar.

Uzun axtarışlardan sonra onlar nəhayət Marinaya çata bilirlər. Məlum olur ki, qadın üç sutka ərzində batmış kayutanın hava qalan hissəsində sağ qalıb. Yaşadığı bu ağır hadisə nəticəsində yaddaşını tamamilə itirən Marina doğmalarını tanımır və onu xilas etmiş İvan adlı şəxsi öz həyat yoldaşı hesab edir.

«Armavir» bədii filmi 1991-ci ildə SSRİ-də lentə alınıb. Dram janrında çəkilmiş ekran əsərinin rejissoru Vadim Abdraşitovdur. Əsas rolları Sergey Koltakov, Jan Bayjanbayev, Sergey Şakurov və Yelena Şevçenko canlandırıblar.