Brassed Off

İngiltərənin şimalında yerləşən kiçik bir qəsəbənin yeganə dolanışıq yeri olan kömür şaxtası bağlanmaq təhlükəsi ilə üz-üzə qalır. Bu hadisə təkcə iş yerlərini deyil, həm də yerli mədənçilərin ən böyük qürur mənbəyi sayılan həvəskar nəfəsli orkestrini məhv edə bilər. Qəsəbə sakinlərinin yeganə ümidi orkestrin ölkə üzrə keçirilən yarışda qələbə qazanmasına bağlıdır.

Uğura inamı qalmayan musiqiçilər artıq alətlərini birdəfəlik kənara qoymaq barədə düşünürlər. Lakin kollektivin keçmiş rəhbərinin nəvəsi olan Qloriyanın qəsəbəyə qayıdışı hər şeyi dəyişir. Trubaçalan Endinin gənclik sevgisi olan bu qızın gəlişi komandada yenidən qələbə əzmi oyadır.

«Brassed Off» bədii filmi rejissor Mark Herman tərəfindən çəkilib. Böyük Britaniya və ABŞ istehsalı olan bu musiqili dram 1996-cı ildə işıq üzü görüb. Ekran əsərində baş rolları Pit Postletueyt, Tara Fitsjerald, Yuen Makqreqor və Stiven Tompkinson canlandırıblar.