Göyqurşağı kraliçası

Tomoya və Aoinin tanışlığı qeyri-adi bir xahişlə başladı. Gənc oğlan bəyəndiyi qıza yaxın ola bilmək üçün val mağazasında işləyən Aoidən işdən çıxmasını və yerini ona verməsini istədi. Qız isə bu xahişin müqabilində onu öz ssenarisi əsasında çəkdiyi ilk filmdə baş rola dəvət etdi.

Birgə çəkiliş prosesi onların arasında möhkəm bağlar yaratdı. Zaman keçdikcə ayrılmaz dostlara çevrilsələr də, aralarındakı bu dostluq sərhədini aşıb hisslərini başqa mərhələyə daşıya bilmədilər.

2006-cı ildə ekranlara çıxan «Niji no megami» filmi Yaponiya istehsalıdır və rejissor Naoto Kumadzava tərəfindən lentə alınıb. Melodram və dram janrındakı ekran əsərində Ami Suzuki, Tomoko Tein, Machiko Washio və Lena Fujii kimi aktrisalar çəkilib.