Mavi quş

Hiqaşiqaoka orta məktəbində baş verən hadisə mətbuatın diqqət mərkəzinə düşür: Noquti adlı şagird həmyaşıdlarının təzyiqlərinə dözməyərək canına qəsd etməyə cəhd göstərir. Bu hadisə məktəb kollektivini dərindən sarsıdır, lakin günlər keçdikcə gərginlik səngiyir. Tədris ocağı baş verənləri unudaraq tədricən əvvəlki gündəlik rejiminə qayıtmağa çalışır.

Yeni semestrin ilk günündə Noqutinin sinfinə müvəqqəti rəhbər təyin olunan yeni müəllim gəlir. Utancaq və kəkələyən bu müəllim şagirdlər tərəfindən dərhal istehza və gülüşlə qarşılanır. Lakin pedaqoq hamının gözü qarşısında ilk iş olaraq Noqutinin partasını yenidən sinifdəki yerinə qaytaranda gülüş səsləri kəsilir.

Yaponiya istehsalı olan «Aoi tori» dram filmi 2008-ci ildə ekranlara çıxıb. Ekran əsərinin quruluşçu rejissoru Kenji Nakanishidir. Baş rolları Tomi Nakaho, Tatsuya Suzuki, Moe Karasawa və Hajime Inoue canlandırıblar.