Qar şahzadəsi

On yaşlı Sota qarlı balaca bir kənddə babası və Çibi adlı iti ilə birlikdə yaşayır. Ailənin maddi vəziyyəti çox ağır olduğundan balaca oğlan hətta məktəbə də gedə bilmir. Bütün bu çətinliklərə baxmayaraq, o, heç kimə qarşı inciklik bəsləmir və ən böyük arzusu rəssam olmaqdır.

Sotanın ən yaxın dostu isə varlı ailənin qızı Sayodur. Qızın atası bu cür yoldaşlığa qarşı çıxır və qızının kasıb uşaqla ünsiyyət qurmasını qəbul etmir. Buna baxmayaraq, Sota Sayoya hədiyyə etmək istədiyi rəsmi bitirir və qarlı gecədə iti Çibi ilə birgə qızın evinə doğru uzun bir yola çıxır.

«Sunô purinsu: Kinjirareta koi no merodi» filmi Yaponiya istehsalı olan dram janrında 2009-cu ildə təqdim edilib. Ekran əsərinin rejissoru Joji Matsuoka olub, baş rolları isə Shintaro Morimoto, Rei Dan, Katsuo Nakamura və Marino Kuwajima canlandırıb.