Ohikkoshi

On bir yaşlı Renkonun valideynləri boşanma ərəfəsində ayrı-ayrı evlərdə yaşamaq qərarına gəlirlər. Əvvəlcə bu dəyişikliklər qızcığaza maraqlı gəlir, çünki artıq onun iki fərqli evi olacaq.

Lakin çox keçmədən vəziyyət Renkoda ciddi narahatlıq doğurmağa başlayır. Ailəsinin birdəfəlik dağılmasını istəməyən azyaşlı qəhrəman ata ilə anasını yenidən barışdırmaq üçün hərəkətə keçir.

«Ohikkoshi» adlı yapon dram filmi rejissor Shinji Somai tərəfindən lentə alınıb. 1993-cü il istehsalı olan bu ekran əsərində rolları Mariko Sudo, Taro Tanaka, Yuichi Saito və Yuka Suzuki ifa ediblər.