Uzun gəzinti

Matsutaro Yasuda adlı ahıl kişinin həyatı ailəsində baş verən faciədən sonra alt-üst olur. Həyat yoldaşı alkoqol asılılığı səbəbindən dünyasını dəyişir və doğma qızı baş verənlərdə atasını günahlandırır. Ağır xatirələrdən və buraxdığı səhvlərdən uzaqlaşmaq istəyən Yasuda evini tərk edərək yola çıxır.

Səfər zamanı o, heç kimin qayğı göstərmədiyi kimsəsiz bir qız uşağı ilə qarşılaşır. Bu gözlənilməz görüş kişinin həyatında yeni bir mərhələ açır. Yasuda öz qızına vaxtilə verə bilmədiyi sevgini və qayğını bu balaca qıza bəxş edərək keçmiş günahlarını yumağa çalışır.

«Uzun gəzinti» (Nagai sanpo) dram filmi 2006-cı ildə Yaponiyada istehsal olunub. Ekran əsərinin quruluşçu rejissoru Eiji Okudadır. Əsas obrazları Shota Matsuda, Hana Sugiura, Tomokazu Ohashi və Sakura Ando canlandırıblar.