Qürbətdə

Kişor Lal uzun illər əvvəl Hindistandan köçərək Amerikada məskunlaşıb və böyük bir sərvət toplayıb. Uzaqda yaşamasına baxmayaraq, doğma mədəniyyətini heç vaxt unutmur. Oğluna da milli dəyərləri aşılamaq istəyən ata, onun üçün ənənələrə bağlı bir hind qızı ilə ailə qurmağı qərara alır və köhnə dostunun qızını seçir.

Plan gerçəkləşir və gənc oğlan qardaşı ilə birlikdə Hindistana səfər edərək gələcək həyat yoldaşını Amerikaya gətirir. Lakin tamamilə fərqli mühitlərdə böyüyən gənclərin ortaq dil tapması asan olmur. Onların bu cür mədəni ziddiyyətlər fonunda xoşbəxtlik tapıb-tapmayacağı sınaq qarşısında qalır.

1997-ci ildə çəkilmiş «Pardes» musiqili melodram filminin rejissoru Subhaş Qhaydır. Baş rolları Şahrux Xan, Mahima Çaudhari, Amriş Puri və Apurva Aqnihotri canlandırıblar.