Qardaş

Tu-yon ölkə səviyyəsində tanınan və gələcəyinə böyük ümidlər bəslənən gənc cüdoçudur. Növbəti turnirlərin birində baş verən uğursuz yıxılma idmançının həyatını alt-üst edir və o, görmə qabiliyyətini itirir.

Həbsxanada cəza çəkən böyük qardaşı Tu-şik isə bu vəziyyətdən öz xeyrinə yararlanmaq qərarına gəlir. O, gözdən əlil qalmış qardaşına qulluq etmək bəhanəsi ilə vaxtından əvvəl azadlığa çıxmağa nail olur. Nəticədə keçmiş məhbus qəflətən idmançının qapısında peyda olaraq artıq birlikdə yaşayacaqlarını bildirir.

2016-cı ildə ekranlara çıxan «Hyeong» filmi Cənubi Koreya istehsalıdır və idman dramı ilə komediya janrlarını birləşdirir. Rejissor Kvon Su-qyonun çəkdiyi layihədə əsas rolları Co Con-sok, Do Qyon-su, Pak Şin-he və Kim Qan-hyon canlandırıblar.