Polad piano

Əvvəllər poladəritmə zavodunda çalışmış Çen musiqini çox sevir və yerli ansamblda qarmon çalır. İllər sonra qəfildən qayıdan həyat yoldaşı ondan boşanmağı və qızlarının qəyyumluğunu tamamilə ona verməyi tələb edir. Çen ayrılığa etiraz etməsə də, əziz övladından uzaq düşmək fikri ilə heç cür barışa bilmir.

Musiqi sevgisini atasından almış qızcığaz isə kimin yanında qalacağı sualına maraqlı şərt qoyur: o, kim piano alarsa, onunla yaşayacaq. Belə bahalı aləti almağa imkanı çatmayan ata üçün bu musiqi aləti ailəsindən qalan son bağı qorumaq ümidinə çevrilir.

2010-cu ildə Çində çəkilmiş «Polad piano» filmi dram və komediya janrlarını birləşdirir. Ekran əsərinin rejissorları Çjan Men və Qao Bodur. Əsas rolları Van Tsyanyuan, Lyu Tsyan, Çjou Kuy və Yongzhen Guo canlandırıb.