Nə qədər ki sağam

Hindistan ordusunun istehkamçı zabiti Samar Anand partlayıcı qurğuları zərərsizləşdirərkən heç bir qorxu hiss etmir. Ətrafındakılar onun ölümdən çəkinməməsinə təəccüblənirlər. Günlərin birində Samar boğulmaq təhlükəsi ilə üzləşən Discovery Channel əməkdaşı Akiranı xilas edir.

Akira xilaskarın təsadüfən unutduğu gödəkçəsində onun şəxsi gündəliyini tapır. Dəftəri oxuyan gənc jurnalist Samarın keçmişi, onun Meera adlı yeganə sevgisi və həyatını büsbütün dəyişən sirli bir and haqqında həqiqətləri öyrənir.

2012-ci ildə çəkilmiş «Jab Tak Hai Jaan» melodramının rejissoru Yaş Çopradır. Ekran əsərində baş rolları Şahrux Xan, Katrina Kaif, Lüsi Felps və Anupam Kher canlandırıblar.