Qraf Monte-Kristo

Gənc dənizçi Edmon Dantes sevgilisi ilə evlənməyə hazırlaşdığı gün gözlənilmədən həbs edilir. Yalan ittihamlar nəticəsində vətənə xəyanətdə günahlandırılan gənc heç bir məhkəmə qurulmadan if qalasına ömürlük sürgün olunur. Ağır məhbəs həyatında ümidini itirdiyi bir vaxtda taleyi gözlənilməz bir istiqamət alır.

Dantes qalada gizli tunel qazmağa çalışan abbat Fariya ilə tanış olur və onun azadlıq axtarışına qoşulur. Qoca məhbus ona tampliyerlərin gizlətdiyi saysız-hesabsız xəzinənin sirrini açır. Uzun illər sonra oradan qaçmağı bacaran Edmon sərvətə sahib çıxır, Qraf Monte-Kristo adı altında cəmiyyətə qayıdır və həyatını məhv edən satqınlardan intiqam almağa başlayır.

Fransa və Belçika istehsalı olan bu 2024-cü il filmi Aleksandr Dümanın məşhur əsərinin ekran versiyasıdır. Triller və dram janrındakı ekran əsərinin rejissorları Aleksandr de La Patelyer və Matye Delaportdur, baş rolu isə Pyer Nine canlandırır.