Szabadesés

Əlindəki çantalarla pilləkənləri yavaş-yavaş qalxan yaşlı qadın çoxmərtəbəli binanın damına çatır. Qısa müddət kənarda dayandıqdan sonra özünü oradan aşağı atır. Pəncərələrin yanından keçərək yerə çırpılsa da, ona heç nə olmur: qadın sadəcə qırıq eynəyini götürüb ayağa qalxır və yenidən yuxarı dırmaşmağa başlayır.

Onun yanından uçub keçdiyi hər bir mənzildə tamam başqa bir dünya mövcuddur. «Szabadesés» filmi həmin binada yaşayan müxtəlif insanların qəribə həyatlarını nümayiş etdirən hekayələrdən ibarətdir. Bağlı qapılar arxasında qonşuların gözlənilməz, qara yumorla dolu və absurd xarakter daşıyan gündəlik hadisələri açılır.

2014-cü ildə təqdim olunan layihənin rejissoru Dyörd Pálfidir. Macarıstan, Fransa və Cənubi Koreya tərəfindən istehsal olunan komediya və dram janrlı filmin baş rollarında Timea Buza, Zsolt Páll, Diana Kiss və Reka Tenki çəkiliblər.