Bureojin hwasal

1995-ci ildə riyaziyyat üzrə ali məktəbə qəbul imtahanında ciddi bir səhvin olduğunu bildirən professor Kim rəhbərliyin narazılığı ilə üzləşir. Şikayətini nəzərə almaq əvəzinə, müəllimi dərhal işdən azad edirlər. Haqqını qanuni yolla bərpa etmək istəyən professor keçmiş iş yerini məhkəməyə versə də, prosesdə məğlub olur.

Həmin qərarı çıxarmış hakim düz on iki il sonra qaranlıq bir dəhlizdə keçmiş iddiaçı ilə yenidən qarşılaşır. Lakin bu dəfə onun qarşısında dayanan professorun əlində arbalet var idi və illər əvvəlki mübahisə gözlənilməz şəraitdə davam edir.

2011-ci il istehsalı olan dram janrlı «Bureojin hwasal» filminin rejissoru Çon Dji-yondur. Əsas rolları Kim Cun-be, Li Sın-hun, O De-hvan və Pak Von-san canlandırıblar.