İndi mən burada yaşayıram

Karyerasını yenidən qurmağa çalışan gənc aktrisa Rouzun həyatı gözlənilməz hamiləlik xəbəri ilə alt-üst olur. Üzərinə düşən ağır təzyiqdən uzaqlaşmaq istəyən qadın çıxış yolunu hər kəsdən təcrid olunmuş, gözdən uzaq bir moteldə daldalanmaqda görür.

Lakin "I Live Here Now" filminin qəhrəmanı axtardığı sakitliyi tapa bilmir. Motel daxilindəki qəribə ab-hava və oradakı sirli sakinlər vəziyyəti daha da mürəkkəbləşdirir. Getdikcə daxili qorxular, keçmiş xatirələr və ətrafda baş verənlər bir-birinə qarışır, Rouz üçün gerçəkliklə daxili xaos arasındakı sərhəd yox olmağa başlayır.

ABŞ istehsalı olan bu dramatik triller və qorxu filminin rejissoru Culi Paçinodur. Ekran əsərində əsas rolları Lili Uotkins, Anna Armstronq, Kera Seymur və Laura Mişel Kliri canlandırıblar. Film 2025-ci ildə tamaşaçılara təqdim olunub.