Hörümçək torunda

Hadisələr 1970-ci illərdə cərəyan edir. Rejissor Kim çəkilişləri artıq başa çatmış trillerinə yeni və qüsursuz bir sonluq yazmaq qərarına gəlir. O, bu addımla həm də vaxtilə ustadı Şinin ssenarisini oğurlamaqda günahlandıran və istedadsız hesab edən tənqidçilərə öz bacarığını sübut etmək niyyətindədir.

Studiya rəhbərliyi layihəyə yenidən qayıtmağa icazə vermir, lakin Kimi dəstəkləyən prodüser qadın köməyə çatır. Onlar komandanı gizlicə çəkiliş meydançasına toplayırlar, lakin proses tezliklə xaosa çevrilir və üstəlik məkana dövlət senzoru gəlir.

Cənubi Koreya istehsalı olan «Geomijip» komediya-dram filmini rejissor Kim Ci-un ərsəyə gətirib. 2023-cü ilin bu ekran əsərində rolları Çha So-hyon, Nam Ci-u, Pyon Don-uk və Kim Don-yon canlandırıblar.