Sulla terra leggeri

Etnomusiqişünaslıq üzrə altmış beş yaşlı professor Can qəflətən yaddaşını itirir. Xəstəlik səbəbindən o, hətta öz qızı Miriamı belə tanıya bilmir. Atasının keçmişini bərpa etməyə çalışan gənc qadın ona iyirmi yaşında qələmə aldığı gündəliyi verir.

Köhnə qeydləri oxuyan qəhrəman gəncliyində Leyla adlı fransız-tunisli bir qadınla qarşılaşdığını və onların arasında unudulmaz bir sevgi gecəsinin yaşandığını öyrənir. Dumanlı xatirələrlə üz-üzə qalan Can həyatının ən böyük sevgisini unutduğunu anlayır və öz mənliyini geri qazanmaq məqsədilə ötən illərin hadisələrini addım-addım axtarmağa başlayır.

İtaliya istehsalı olan «Sulla terra leggeri» dram filmi 2024-cü ildə təqdim edilib. Ekran əsərinin rejissoru Sara Fgaierdir. Əsas rolları Emilio Scarpa, Elyas Turki, Maria Fernanda Cândido və Andrea Renzi canlandırıb.