Bankir qadın

Ötən əsrin 1920-ci illəri. Gənc Emma Ekkert əmək fəaliyyətinə ailəsinə məxsus kiçik papaq emalatxanasında satıcı kimi başlayır. Zəkası, bacarığı və qurduğu əlaqələr sayəsində o, qısa müddətdə maliyyə aləminə daxil olur. Emma öz bank işini quraraq sürətlə varlanır və böyük nüfuz qazanır.

Əmanətçilərə təklif etdiyi yüksək faiz dərəcələri onun qapısına minlərlə insan gətirir. Lakin bu cür uğurlu və sürətli yüksəliş ənənəvi maliyyə maqnatlarının xoşuna gəlmir. Nüfuzlu bankir Oras Vannister bu gənc qadını özünə təhlükəli rəqib hesab edir və ona qarşı mübarizəyə başlayır.

«Bankir qadın» (La banquière) filmi 1980-ci ildə Fransada lentə alınıb. Komediya və dram janrındakı ekran əsərinin rejissoru Fransis Jirodur. Əsas rolları İzabel Sadoyan, Jan-Pol Muel, Jan Karme və Daniel Otoy canlandırıblar.