Himeulnaeyo Miseuteo Lee!

Sadəlövh və fiziki cəhətdən güclü Çhol-su kiçik qardaşının ailəsi ilə birgə yaşayır və onun əriştəxanasında kömək edir. Bir gün küçədə yaşlı bir qadın onu qəfil xəstəxanaya analiz verməyə aparır. Həmin yerdə qadının onun keçmiş qaynanası olduğu və Çhol-sunun doqquz yaşında bir qızı olduğu üzə çıxır.

Leykoz xəstəliyindən əziyyət çəkən cəsarətli qız xəstəxanadan qaçaraq Tequ şəhərinə yollanmaq qərarına gəlir. Həmin an təsadüfən yaxınlıqda olan təzə ata da dərhal qızının arxasınca yola düşür.

2019-cu il istehsalı olan bu Cənubi Koreya komediya dramının rejissoru Li Qe-byokdur. Ekran əsərində əsas rolları Çon Yon-sop, Han Don-von, Çhve So-hyon və Çon Hyon-u canlandırıblar.