Atamın kölgəsi

Hadisələr 1993-cü ildə, Nigeriyada ümumi seçkilər ərəfəsində siyasi gərginliyin pik həddə çatdığı vaxt baş verir. Remi və Akin adlı iki qardaş Laqosdan kənarda böyüyür və şəhərdə çalışan ataları Folarini çox nadir hallarda görürlər. Bir gün gözlənilmədən evə qayıdan ata gecikmiş maaşını almaq bəhanəsilə oğullarını bir günlük böyük şəhərə aparmağa qərar verir.

Özləri üçün tamam yad bir mühitə düşən uşaqlar bütün günü ataları ilə birgə keçirərək uzun müddət uzaq qaldıqları bu insanı daha yaxından tanımağa çalışırlar. Lakin Laqos küçələrində getdikcə güclənən ictimai iğtişaşlar ailənin planlarını alt-üst edir. Nəticədə onların bu qısa səfəri və sağ-salamat evə qayıtması böyük təhlükə altına düşür.

«My Father's Shadow» («Atamın kölgəsi») dram filmi Böyük Britaniya, İrlandiya və Nigeriyanın birgə istehsalı kimi 2025-ci ildə ekranlara çıxıb. Rejissoru Akinola Devis olan layihənin əsas rollarında Tosin Adeyemi, Godwin Egbo, Chibuike Marvelous Egbo və Efon Wini çəkiliblər.