Rahul

Beş yaşlı oğlan uşağı ona böyük diqqət və qayğı göstərən atasının himayəsində böyüyür. Doğma anasını heç vaxt görməyən balaca qəhrəman ailəni tərk etdiyi üçün onun pis insan olduğunu düşünür. Lakin ana sevgisinə ehtiyac duyan uşaq nə olursa-olsun onu axtarıb tapmaq qərarına gəlir.

Anası ilə qarşılaşdıqda onun əslində mehriban və sevgi dolu olduğunu öyrənir. Hər iki valideynini bərabər sevmək istəyən uşağın arzusu böyüklərin ziddiyyətli münasibətləri və fərqli baxışları ilə toqquşur. İki tərəf arasında yaranan bu anlaşılmazlıq həssas uşaq qəlbində dərin kədər doğurur.

Hindistan istehsalı olan «Rahul» dram filmi 2001-ci ildə ekranlara çıxıb. Ekran əsərinin quruluşçu rejissoru Prakaş Chadır, əsas rolları isə Parikşit Sahni, Anil Naqrat, İşa Koppikar və Nina Kulkarni canlandırıblar.