Karavan

Qırx beş yaşlı Ester əqli geriliyi olan yeniyetmə oğlu Davidi təkbaşına böyüdür və ona fasiləsiz diqqət yetirməyə məcburdur. Gündəlik qayğılardan tükənən qadın İtaliyadakı dostlarının dəvətini qəbul edərək oğlunu da götürüb onların yanına yollanır.

Lakin Davidin gözlənilməz hərəkətləri ev sahibləri ilə münasibətlərdə narahatlıq və gərginlik yaradır. Nəticədə ana ilə oğuldan həyətdəki köhnə yaşayış furqonuna köçmək xahiş olunur. Heç kimə yük olmaq istəməyən Ester gecə ikən həmin maşını işə salır və oğlu ilə birlikdə İtaliya yollarında gözlənilməz bir səyahətə çıxır.

«Karavan» dram filminin rejissoru Zuzana Şpidlovadır. Çexiya, İtaliya və Slovakiya kinematoqrafçılarının birgə istehsalı olan bu ekran əsəri 2025-ci ildə təqdim edilir. Baş rolları David Vostrcil, Maykol Konverso, Lia Çirianni və Yana Plodkova canlandırıblar.