Böyük gecə

İtaliyadan ABŞ-a köçən iki qardaş açdıqları restoranı iflasdan qurtarmağa çalışır. Mətbəxdə hazırladıqları təamlar yüksək keyfiyyətə malik olsa da, məkana kifayət qədər müştəri gəlmir. Bank isə borclar üzrə möhlət verməkdən imtina edərək ödənişlərin dərhal edilməsini tələb edir.

«Big Night» filminin qəhrəmanları digər bir italyan restoranı sahibinin tövsiyəsi ilə çıxış yolu axtarırlar. Onlar əllərində qalan son vəsaitlə zəngin bir ziyafət təşkil edərək dostlarını pulsuz yeməyə dəvət edirlər. Bu axşam hazırlanan ən yaxşı xörəklər onların sonrakı taleyini müəyyənləşdirməlidir.

1996-cı ildə ekranlara çıxan Amerika istehsalı olan bu dramın rejissorları Kempbell Skott və Stenli Tuççidir. Baş rollarda Stenli Tuççi, Toni Şelub, Minni Drayver və İan Holm çəkiliblər.