Cənnət: Ümid

Anası Keniyada gənc sevgililər axtarışında olarkən, xalası isə bütün gününü katolik təbliğatına sərf edir. On üç yaşlı Melani isə tətildə Avstriya dağlarında yerləşən pəhriz düşərgəsinə göndərilir. Burada yeniyetmələri ciddi rejim, daimi idman dərsləri və düzgün qidalanma qaydaları gözləyir.

Ciddi qaydalara baxmayaraq, qızlar yataqxanada gecə döyüşləri təşkil edir, gizlicə yerli diskotekaya qaçaraq spirtli içki yarışları keçirirlər. Məhz bu mühitdə Melani özündən qırx yaş böyük olan düşərgə həkiminə və eyni zamanda rəhbərinə aşiq olur.

«Paradies: Hoffnung» filmi 2012-ci ildə rejissor Ulrix Zaydl tərəfindən çəkilib. Almaniya, Fransa və Avstriyanın birgə istehsalı olan bu dramda baş rolları Melani Lents, Hannes A. Pendl, Mariya Hofştatter və Verena Lebauer canlandırıb.