Velosipedli qız

İtalyan Paolo Paris küçələrində turist avtobusu idarə edir və insanları Fransa paytaxtı ilə tanış edir. Onun şəxsi həyatında da hər şey qaydasındadır: o, alman stüardessa Qretaya evlilik təklifi etməyə hazırlaşır. Lakin yolda qarşısına çıxan velosipedli bir xanım onun bütün planlarını alt-üst edir.

Həmin qadın tək ana və model olan Sesildir. Gözlənilməz görüşdən sonra Paolonun ağlı yalnız onunla məşğul olur, baxmayaraq ki, Qretaya olan sevgisi də bitməyib. Çıxılmaz vəziyyətdə qalan gənc çarəni qadın ovçusu olan britaniyalı dostu Derekə müraciət etməkdə tapır, onun verdiyi məsləhət isə işləri daha da dolaşdırır.

«Girl on a Bicycle» adlı romantik komediya filmi 2013-cü ildə Almaniya və Fransa tərəfindən istehsal olunub. Ekran əsərinin rejissoru Ceremi Levindir, baş rollarda isə Keysi Barnfild, Tomas Hayntse və Aleksandr Yassin çıxış edir.