Albert Nobbs

XIX əsrin sonlarında Dublin şəhərində yerləşən Morrison’s oteli olduqca fərqli qonaqlara ev sahibliyi edir. Buradakı müştərilər arasında ailəsindən uzaqlaşmış yaşlı həkim, fransız cütlüyü Piqo, qənaətcil Mur ailəsi və vikont Yarrell var. Bütün bu insanlara xidmət edən baş ofisiant Albert Nobbs isə daha əvvəl Liverpul, Bristol və Londonun tanınmış məkanlarında çalışmış təcrübəli bir işçidir.

İş yoldaşları Albertə xüsusi diqqət yetirmir, o da səs-küylü məclislərdən uzaq qaçaraq vaxtını öz kiçik otağında pul saymaqla keçirir. Belə qapalı həyatın ciddi bir səbəbi var: təxminən qırx yaşlı bu sakit işçi əslində otuz ildir kişi cildində yaşayan və sirrini hamıdan gizlədən bir qadındır.

«Albert Nobbs» dram filminin rejissoru Rodriqo Qarsiadır. ABŞ, Böyük Britaniya, Fransa və İrlandiya birgə istehsalı olan ekran əsəri 2011-ci ildə nümayiş olunub. Filmdə əsas obrazları Antoniya Kempbell-Hüz, Serena Brabazon, Brendan Qlison və Brona Qallaxer canlandırıb.