Cənnətə kiçik bir səyahət

Fırıldaqçı kimi tanınan Kelvin Andersonun ölümündən sonra qohumları bir milyon dollarlıq sığorta təzminatını almaq üçün müraciət edirlər. İri məbləğdən şübhələnən şirkət rəhbərliyi vəziyyəti araşdırmaq üçün təmkinli və nəzakətli detektiv Holtu hadisə yerinə göndərir.

Holt ölüm faktını dəqiqləşdirmək məqsədilə qarlı Hastinqs qəsəbəsinə yollanır və bura çatan kimi işdə nəsə bir qaranlıq məqam olduğunu duyur. Çox keçmədən sığorta şirkəti ilə Kelvinin bacısı İzolda və onun dəyişkən xarakterli əri Fred arasında gərgin bir qarşıdurma yaranır.

«A Little Trip to Heaven» filmi 2005-ci ildə ABŞ və İslandiya kinematoqrafçılarının birgə istehsalı ilə lentə alınıb. Triller janrında olan ekran əsərinin quruluşçu rejissoru Baltasar Kormakurdur. Əsas rollarda Culiya Staylz, Palmi Kormakur Baltasarsson, Stormur Youn Kormakur Baltasarsson və Carlos Mondragon Galera çəkiliblər.