Miladdan öncə yaz

Sevgilisindən ayrılan Cessika bayram ərəfəsində fərqli bir addım atmaq qərarına gəlir. O, həyatında mühüm iz qoymuş insanlara təbrik açıqcaları göndərmək fikrinə düşür. Qız açıqcaları beş nəfərə ünvanlayır: doğma xalasına, orduda xidmət edən qardaşına, ən yaxın rəfiqəsinə, keçmiş musiqi müəlliminə və tanınmış müğənniyə.

Bayram təbrikləri sahiblərinə çatdıqdan sonra hər bir qəhrəmanın gündəlik həyatı gözlənilməz istiqamətə yönəlir. Göndərilən bu səmimi məktublar qəbul edənlərin taleyində köklü dəyişikliklərə səbəb olur.

«Write Before Christmas» filmi 2019-cu ildə ABŞ və Kanadanın birgə istehsalı ilə lentə alınıb. Melodram janrındakı layihənin rejissoru Pet Uilyamsdır. Əsas rollarda Ceff Qustafsson, Cey Hindl, Paula Cirodey və Leni MakOli çəkiliblər.