Mənim qonşum Adolf

1960-cı ildə Cənubi Amerikada Holokostdan sağ çıxmış və müharibədə bütün ailəsini itirmiş Polski adlı yaşlı yəhudi qəribə bir qonşu ilə qarşılaşır. Onun yanında Hersoq adlı saqqallı bir alman məskunlaşır. Diqqət yetirdikdə Polski yeni sakində şübhəli oxşarlıqlar görür: gözlərinin rəngi, alman ovçarkalarına sevgisi və gülləri gənc Hitlerin üslubunda çəkməsi qocanı fürerin sağ qalmasına inandırır.

Polski qonşu Argentinada Adolf Eyxmanı yenicə ələ keçirmiş israillilərə müraciət etsə də, heç kim onun sözünə inanmır. Buna görə də o, qonşusunun əsl simasını ifşa etmək üçün təkbaşına dəlillər toplamağa qərar verir. Lakin sirli almanı izlədikcə onunla yaxınlaşır, tədricən ona rəğbət bəsləməyə başlayır və ilkin düşüncələrində tərəddüd edir.

«Mənim qonşum Adolf» dram və komediya janrlarını birləşdirən bədii filmdir. 2022-ci il istehsalı olan bu ekran əsəri Polşa, İsrail və Kolumbiyanın birgə layihəsidir. Rejissor Leonid Prudovskinin çəkdiyi filmdə baş rolları Devid Heyman, Udo Kir, Oliviya Silhevi və Kineret Peled canlandırıb.