Əlvida, cənab Haffman

Hadisələr 1941-ci ildə almanlar tərəfindən işğal olunmuş Parisdə cərəyan edir. Fransua Mersye bacarıqlı zərgər cənab Haffmannın emalatxanasında çalışır və sevdiyi qadınla ailə qurmağı planlaşdırır. Şəhərdəki təhlükəli vəziyyət hər kəsi çətin qərarlar qarşısında qoyur.

Yaranmış vəziyyətdən çıxış yolu tapmaq üçün bu iki kişi xüsusi bir razılaşma bağlamaq məcburiyyətində qalır. Lakin sonrakı bir neçə ay ərzində həmin gizli sövdələşmənin nəticələri həm onların, həm də gənc qadının taleyini kökündən dəyişdirir.

«Adieu Monsieur Haffmann» dram filmi 2021-ci ildə Fransa və Belçika istehsalı olaraq rejissor Fred Kavaye tərəfindən çəkilib. Baş rolları Daniel Otoy, Jil Lelluş, Sara Jirodo və Nikolay Kinski canlandırıblar.