Iddiaçı

ABŞ prezidenti Cekson İvens səlahiyyət müddətinin sonunda ölkə tarixində iz qoymaq niyyətinə düşür. Vitse-prezidentin vəfatından sonra o, bu vəzifəyə senator Leyn Helsonun namizədliyini irəli sürür. Dövlət idarəçiliyində qadının bu posta gətirilməsi həm hökumətdə, həm də cəmiyyət arasında kəskin müzakirələrə səbəb olur.

Bu qərara qarşı öz namizədini dəstəkləyən nüfuzlu konqresmen Şeldon Ranyon sərt müqavimət göstərir. Rəqibini sıradan çıxarmaq istəyən siyasətçi senatorun tələbəlik illərinə aid şəxsi məqamları ictimailəşdirərək ona qarşı hücuma keçir. Şantaj və təzyiqlərlə üzləşən Leyn Henson siyasi meydandan birdəfəlik çəkilmək və ya mübarizəni sona qədər davam etdirmək arasında seçim etməlidir.

«The Contender» («Iddiaçı») filminin rejissoru Rod Luridir. 2000-ci ildə ABŞ, Böyük Britaniya və Almaniyanın birgə istehsalı kimi təqdim olunan dramatik trillerdə Meriel Heminquey, Sem Elliott, Robert Harvi və Filip Beyker Holl çəkiliblər.