Fever Pitch

Şimali Londonda böyüyən ingilis dili müəllimi Pol otuz yaşını çoxdan keçsə də, uşaqlıq həvəsindən əl çəkə bilmir. O, bütün həyatını və boş vaxtını sadiq azarkeşi olduğu «Arsenal» futbol klubuna həsr edir. Eyni məktəbdə çalışan həmkarı Sara ilə münasibət qurması isə onun vərdişlərinə təsir etmir, çünki bu ağıllı və gözəl qadın futbola tamamilə biganədir.

Saranın hamilə qalması cütlüyün münasibətlərindəki problemləri daha da qabardır. Gələcək barədə ciddi düşünməyə başlayan qadın sevgilisindən konkret qərar tələb edir. İndi Pol yeni qurulacaq ailəsi, doğulacaq uşağı ilə çox sevdiyi futbol klubu arasında seçim etmək məcburiyyətində qalır.

Böyük Britaniya istehsalı olan «Fever Pitch» filmi 1997-ci ildə rejissor Devid Evans tərəfindən ekranlaşdırılıb. Filmdə əsas rolları Kolin Fört, Stiven Ri, Miki Ambroze və Devid Spid canlandırıblar.