Son hökm

Keşiş Tayron Paula adlı gənc qadını striptizçi peşəsindən əl çəkməyə razı salmağa çalışır, lakin Paula onun sözlərinə qulaq asmır. Tayron mənzildən çıxıb maşınına əyləşsə də, qəfil eşidilən boğuq qışqırıq səsi onu geri qayıtmağa vadar edir. İçəri daxil olanda o, Paulanın cansız bədəni ilə qarşılaşır: bir neçə dəqiqə ərzində mənzilə girən tanışı qadını boynundakı xaç zənciri ilə boğub öldürmüşdür.

Cəsədin yanında tapıldığı üçün polisin şübhələri ilk olaraq keşişin üzərinə yönəlir. Tayronu dindirdikdən sonra sərbəst buraxırlar, lakin o, həqiqi qatili özü axtarıb tapmaq qərarına gəlir və şəhərin təhlükəli cinayətkar mühitinə üz tutur.

ABŞ istehsalı olan «Final Judgement» trilleri 1992-ci ildə rejissor Lui Morno tərəfindən çəkilib. Filmdə əsas rolları Sintiya Stil, Liza Inue, Mark Adeyr-Rios və Ayzek Heyz canlandırırlar.