Scorned

Patrisiya Lenqli həyat yoldaşına dərindən bağlı idi və onun rifahı naminə hər cür addımı atmağa hazır görünürdü. Lakin sevimli ərinin qəfil ölümü qadının həyatını alt-üst edir və onu tamam başqa bir yola sürükləyir.

İtkinin ağırlığına dözə bilməyən Patrisiya cinayət törətməyi qərara alır. «Scorned» filmi həyat yoldaşının faciəli ölümündə əli olan hər kəsdən intiqam almağa çalışan bu qadının təhlükəli planlarından bəhs edir.

ABŞ və Kanadanın birgə istehsalı olan bu dramatik triller 1993-cü ildə təqdim edilib. Ekran əsərinin quruluşçu rejissoru Endryu Stivensdir, əsas obrazları isə Stiven Yanq, Enn Siena-Şvarts, Pol Karr və Anya Lonquell canlandırıb.