Malvil

Avropa qitəsi dağıdıcı nüvə müharibəsinin təsiri ilə darmadağın olur. Yerli qəsrin bir qrup sakini tikilinin bünövrəsində sığınacaq taparaq sağ qalmağı bacarır. Kənara çıxanda isə qorxunc mənzərə ilə qarşılaşırlar: qala ciddi zərər görüb, ətrafda isə bircə dənə də olsun bitki qalmayıb.

Sağ qalmış insanlar qəsri bərpa etməyə və kiçik bir icma şəklində yeni həyat qurmağa çalışırlar. Lakin az sonra onların qarşısına Fulber adlı təhlükəli bir qüvvə çıxır. Qorxudulmuş və ac insanları özünə tabe edən bu фаşist düşüncəli şəxs bədbəxt insanların əlindən sonuncu qidalarını da zorla alır.

«Malvil» elmi-fantastik dram filmi fransız yazıçısı Rober Merlin romanı əsasında lentə alınıb. Fransa və Almaniya (FRQ) kino ustalarının birgə istehsalı olan layihə 1981-ci ildə nümayiş olunub. Ekran əsərinin quruluşçu rejissoru Kristian De Şalonj, baş rol ifaçıları isə Mişel Berto, Rober Deri, Emilie Lihou və Jan Lövredur.