Chori Chori Chupke Chupke

Varlı ailənin oğlu Raj dostunun toy məclisində Priya ilə tanış olur və gənclər bir-birinə aşiq olurlar. Çox keçmədən evlənən cütlük tezliklə övlad sahibi olacaqlarını öyrənir. Lakin gözlənilməz yıxılma nəticəsində Priyanın bətnindəki körpə tələf olur və həkimlər onun bir daha ana ola bilməyəcəyini bildirirlər.

Qohumlarını kədərləndirmək istəməyən ər-arvad bu həqiqəti hər kəsdən gizlətməyə qərar verirlər. Çıxış yolu axtaran Raj və Priya ailələrindən xəbərsiz yeni bir plan qurmağa məcbur qalırlar.

2001-ci ildə çəkilmiş «Chori Chori Chupke Chupke» filmi Hindistan istehsalıdır və rejissorlar Abbas Alibhai Burmawalla ilə Mastan Alibhai Burmawalla tərəfindən lentə alınıb. Əsas rolları Salman Khan, Rani Mukerji, Preity Zinta və Amrish Puri canlandırıblar.