Yerli qəhrəman

Böyük neft şirkətinin əməkdaşı Makintayr rəhbərlik tərəfindən Şotlandiyanın ucqar kəndinə ezamiyyətə göndərilir. Onun hədəfi neft emalı zavodunun tikintisi üçün zəruri olan torpaqları yerli sakinlərdən almaqdır. Bundan əlavə, şirkət rəhbəri ona Şimal səmasını və Qız bürcünü izləyib qeyri-adi hadisələri bildirmək tapşırığı verir.

Körfəz sahilinə çatan Mak yerli təbiətin təmizliyinə, ulduzlu səmaya və kənd sakinlərinin səmimiyyətinə valeh olur. Danışıqlar uğurla gedir, çünki kəndlilər təklif edilən böyük pullarla varlanmaq üçün səbirsizlənirlər. Lakin ətrafın gözəlliyinə bağlanan Mak bu torpaqların sənaye zonasına çevrilməsi fikri ilə barışmaqda çətinlik çəkir.

1983-cü il istehsalı olan «Local Hero» komediya-dram filminin rejissoru Bill Forsaytdır. Əsas obrazları Piter Riqert, Bert Lankaster, Fulton Makkey və Denis Loson canlandırıblar.