Atropiya

2000-ci illərin ortalarında Cənubi Kaliforniyadakı hərbi təlim şəhərciyində Yaxın Şərqə yollanacaq əsgərlər üçün xüsusi hazırlıqlar görülür. İraq əsilli amerikalı aktrisa Feyruz burada simulyasiyalarda iştirak edərək müxtəlif obrazları canlandırır. O, gah adi bir yerli sakin, gah da kimyəvi silah üzrə mütəxəssis roluna girir.

Əsgərlərdən birinə qarşı yaranan hisslər ssenari üzrə qurulmuş prosesi çətinliyə salır. Feyruz üsyançı obrazını oynayan həmin hərbçiyə aşiq olduqdan sonra təlim bazasında planlaşdırılan hərbi rekonstruksiya pozulmaq təhlükəsi ilə üzləşir.

«Atropiya» filminin rejissoru Heyli Qeytsdir. ABŞ, Fransa və İtaliyanın birgə istehsalı olan dramatik komediya 2025-ci ildə ekranlara çıxıb. Əsas rollarda Tim Bleyk Nelson, Annika Nadine Hutsler, Fadi Al Saegh və Naima Jabur çəkiliblər.