Qəribə Məhəbbət

Yaşlaşmış Huqo uşaqlığının keçdiyi yerlərə qayıdaraq keçmiş günlərin xatirələrini yenidən canlandırır. Vaxtilə anası ilə birlikdə sığınacaq tapdığı bu məkan əslində dəbdəbəli bir fahişəxana idi. Anası orada işləməyə məcbur olduğu müddətdə balaca Huqo tez-tez tək qalır və öz yaşı üçün yad olan böyüklər dünyasını kəşf edirdi.

Gözlənilməz mühit uşağın diqqətini çəkir və onu ehtiras dolu bir həyatla üz-üzə qoyur. Yaşlı və varlı müştərilərdən yorulan qadınlar tənha oğlana şəfqət göstərməyə, onun otağına baş çəkməyə başlayırlar. Anası isə oğlunu digər qadınların həddindən artıq marağından qorumaq üçün əlindən gələni edir.

«Amor Estranho Amor» adlı Braziliya dram filmi 1982-ci ildə nümayiş olunub. Ekran əsərinin quruluşçu rejissoru Valter Uqo Kouridir. Əsas obrazları Tarsiziu Meyra, Mauru Mendonsa, Matilda Mastranji və Vera Fişer canlandırıblar.