Və Tanrı qadını yaratdı

Qaydaları pozmağı sevən cəsarətli Robin həbsxanadan qaçır və yolda nüfuzlu siyasətçi Ceyms Tirnanın idarə etdiyi dəbdəbəli limuzini saxlayır. Cazibədar qadının təsirinə düşsə də, Tirnan onu yenidən dəmir barmaqlıqlar arxasına qaytarır. Lakin çox keçmədən siyasətçi öz nüfuzundan və həbsxanada təşkil olunan qanuni nikah hiyləsindən istifadə edərək qadını azadlığa qovuşdurur.

Sərbəstliyə çıxan Robin nə gənc əri ilə ailə həyatı qurmaq, nə də Tirnanın ehtiraslı sevgisinə qarşılıq vermək fikrindədir. Onun yeganə arzusu şəxsi rok qrupunu yaradıb məşhur ifaçı olmaqdır. Rədd cavabı alan qisasçı siyasətçi isə Robini yenidən həbsxanaya göndərmək üçün hərəkətə keçir.

ABŞ istehsalı olan «Və Tanrı qadını yaratdı» (And God Created Woman) filmi 1987-ci ildə rejissor Roje Vadim tərəfindən lentə alınıb. Komediya və melodram elementlərinə malik bu dram ekran əsərində əsas rolları Tom Konnor, Cudit Çepman, Kenni Orteqa və Cemi MakEnnan canlandırıb.