Ata ana bacı qardaş

«Father Mother Sister Brother» filmi dünyanın fərqli guşələrində yaşayan ailə üzvlərinin qarşılıqlı münasibətlərindən bəhs edir. Amerikada bacı və qardaş ucqar ərazidə tənha ömür sürən atalarına baş çəkməyə yollanırlar. Dublində isə iki bacı yazıçı anaları ilə birlikdə hər il təşkil edilən ənənəvi çay süfrəsi arxasında görüşür.

Süjetin digər qolu Fransada cərəyan edir. Əkiz bacı və qardaş uşaqlıqlarının keçdiyi Paris mənzilinə qayıdırlar. Valideynlərini itirən qəhrəmanlar illər sonra həmin evdə keçmişləri ilə birdəfəlik vidalaşmaq məcburiyyətində qalırlar.

2024-cü il istehsalı olan bu dramatik komediyanın rejissoru Cim Carmuşdur. ABŞ, Almaniya, Fransa, İtaliya və İrlandiyanın birgə layihəsində rolları Deyr Makqorman, Deyv Mörfi, Sebastyan Rolando-Lapyerr və Sara Ribeyro ifa ediblər.