Xəbərdarlıq nişanı

Bitkilərin genetik modifikasiyası ilə məşğul olan "BioTec Agronomics" elmi laboratoriyasında gözlənilməz qəza baş verir. Əməkdaşlardan birinin səhvi ucbatından içində təhlükəli maye olan şüşə qab yerə düşüb sınır. Bu zaman bəzi işçilər qoruyucu geyimlərini çıxarmış vəziyyətdə olur. Zəhərli maddə havaya yayılan kimi mühafizə xidməti həyəcan siqnalını işə salır və kompleksin bütün çıxışları dərhal qapanır.

İçəridəkilər bir-birindən ayrı düşmüş qruplara bölünür, qadın mühafizəçi isə ayrıca otaqda təcrid olunur. Hadisə barədə xəbər alan hərbçilər binanın ətrafını mühasirəyə alır və içəri kəşfiyyat dəstəsi göndərir. Təhlükəli maddəyə yoluxan insanların bədənini tər basır və xüsusi skaner altında bu tər mavi rəngdə görünür. Yoluxanlar əvvəlcə huşunu itirib ölmüş kimi görünsə də, az sonra amansız varlıqlara çevrilərək ayılırlar.

ABŞ istehsalı olan «Xəbərdarlıq nişanı» trilleri 1985-ci ildə ekranlara çıxıb. Filmin rejissoru Hel Barvuddur. Əsas rolları C. U. Beyli, C. Patrik MakNamara, Kavi Raz və Cek Tibo canlandırıb.