Xüsusi dərslər

Janna adlı gənc qadın xüsusi liseylərin birində müəllimə işləyir. Təhsil ocağının sahibi Brünö Ketti yaraşıqlı əməkdaşına açıq şəkildə meyil salsa da, Janna bu addımlara qarşılıq vermir. Rəhbərin həddini aşaraq daha da irəli getməsi qadının ona sərt etirazı ilə nəticələnir.

Bu hadisədən çox keçməmiş məktəbin bütün müəllimlərinin əlinə qalmaqallı şəkillər düşür. Şəkillərdə şagirdlərdən birinin və üzü kəsilmiş naməlum qadının iştirak etdiyi əxlaqsız məclis əks olunub. Şəkildəki qadının bədən quruluşu isə heyrətamiz dərəcədə Jannaya bənzəyir.

1986-cı ildə ekranlara çıxan «Cours privé» filmi Fransa istehsalı olan dram janrındadır. Ekran əsərinin quruluşçu rejissoru Pyer Qranye-Deferdir. Əsas rolları Fransua Andre, Martina Ferryer, Lük Tüye və Enni Leqran canlandırıb.