Out Cold

Xəyanəti öyrənən Sanni qisas almaq qərarına gəlir. O, ərini cəzalandırmaq üçün qəssab dükanındakı soyuducu kameraya salıb qapını bağlayır. Səhər açılanda isə məlum olur ki, gecəni dondurucu şaxtada keçirən kişi donaraq həyatını itirib.

Cinayəti gizlətmək istəyən qadın ərinin şəriki Deyvlə əlbir olub meyiti aradan qaldırmağa çalışır. Lakin onların izinə düşən detektiv planları alt-üst edir. Donmuş cəsədi gizlətmək və izləri itirmək hər addımda daha da təhlükəli və mürəkkəb hal alır.

1988-ci ildə ABŞ-da çəkilmiş «Out Cold» filmi komediya, dram və triller janrlarını birləşdirir. Ekran əsərinin quruluşçu rejissoru Malkolm Maubrey, əsas rolların ifaçıları isə Con Uesli, Fran Rayan, Debra Lamb və Tomas Börd olub.