Şair

Medelyində yaşayan yaşlı şair Oskar Restrepo uzun illər boyu geniş oxucu kütləsi tərəfindən qəbul edilməyib. O, həm yaradıcılığında durğunluq yaşayır, həm də şəxsi həyatında dərin bir mənəvi böhran içində çabalayır.

Kasıb ailədən olan gənc yazıçı Yurladi ilə tanışlıq qocanın taleyini dəyişir. Ədəbiyyata yeni başlayan bu qıza rəhbərlik etməyə başlayan Oskar öz varlığına yenidən məna tapır.

2025-ci il istehsalı olan «Un poeta» dram və komediya filmini Simon Mesa Soto ərsəyə gətirib. Almaniya, İsveç və Kolumbiyanın ortaq layihəsində rolları Rebeka Andrade, Gilyermo Kardona, Umberto Restrepo və Ubeymar Rios ifa edir.