Bıçaq

Gecənin bir aləmində qəfil səs-küyə oyanan Kris mətbəxə enir və orada heç tanımadığı yaşlı bir qadınla qarşılaşır. Qısa müddət sonra çağırılmamış qonaq huşunu itirərək yerə yıxılır, lakin huşu dumanlanan ailə başçısı hadisənin təfərrüatlarını dəqiq xatırlaya bilmir. Səsə Krisin həyat yoldaşı Aleks və qızları da gəlir. Ailə qaradərili, huşsuz vəziyyətdə yatan qadın isə ağdərili olduğu üçün ər-arvad hüquq-mühafizə orqanlarının qərəzli yanaşmasından ehtiyat edirlər.

Özlərini qorumaq və hər şeyi özünümüdafiə kimi göstərmək məqsədilə onlar qadının yanına bıçaq qoyur, yalnız bundan sonra təcili xidmətə zəng edirlər. Hadisə yerinə gələn təcrübəli və diqqətli detektiv başda olmaqla polis əməkdaşları ev sakinlərinin söylədiklərinə dərhal şübhə ilə yanaşır və onları ayrı-ayrılıqda dindirməyə başlayırlar.

«The Knife» dram filminin rejissoru Nnamdi Asomughadır və o, eyni zamanda əsas rollardan birini canlandırıb. Layihədə həmçinin Aranaya Frasier, Eja Naomi Kinq və Menni Hasinto çəkiliblər. Ekran əsəri 2024-cü ildə ABŞ-da istehsal olunub.