Zorakılığın sonu

Hollivud prodüseri Mayk Maks amansız səhnələrlə dolu blokbasterlər çəkərək böyük pullar qazanır. İnsanların qəddarlığa meylindən istifadə edən Mayk bu prosesdə həyat yoldaşının hisslərini tamamilə unudur. Eyni zamanda alim Rey Berinq cinayətkarlığı azaltmaq məqsədilə şəhər üzərində gizli müşahidə layihəsinə rəhbərlik edir.

Böyük şəhərdə baş verən gözlənilməz hadisələr gizli müşahidə sisteminin gedişatını dəyişir. Mayk və Rey bir-biri ilə bağlı görünməyən qəribə zəncirvari hadisələrin içinə düşürlər. Təhlükəsizlik üçün qurulan müşahidə sistemi hər iki qəhrəmanı ciddi təhlükə ilə üz-üzə qoyur.

«Zorakılığın sonu» (The End of Violence) trilleri 1997-ci ildə rejissor Vim Venders tərəfindən çəkilib. ABŞ, Almaniya və Fransa istehsalı olan ekran əsərində Nikol Ari Parker, O-Lan Cons, Enrike Kastilyo və Udo Kir rol alıblar.