Altılıq

Avtomobil yarışçısı Brüster Beyker Texasın kiçik bir qəsəbəsində fasilə verərkən maşınının hissələrə ayrılaraq qarət edildiyini görür. Çox keçmir ki, bu işi altı yetim yeniyetmənin gördüyü bəlli olur. Yerli rüşvətxor şerifin uşaqları sığınacağa göndərməmək müqabilində onların qazancını əllərindən aldığını öyrənən Beyker polisə şikayət etməkdən vaz keçir.

Uşaqlar sürücüyə tez bir zamanda bağlanır və xəlvətcə onunla birlikdə yola düşürlər. Qanunsuz qazanc mənbəyini itirən şerif isə bu gedişatdan qətiyyən razı qalmır və onların arxasınca düşür.

«Altılıq» (Six Pack) filmi rejissor Deniel Pitri tərəfindən 1982-ci ildə ABŞ-da lentə alınıb. İdman komediyasında baş rolları Ernest Dikson, Cey Makmillan, Erin Qrey və Entoni Maykl Holl canlandırıblar.