Ehtiras

Ərinin xəyanət etdiyindən şübhələnən Anteya adlı qadın özəl xəfiyyə Derianı işə götürür. Mayklı izləyən xəfiyyə tezliklə onun sədaqətli ər olduğuna və dağılmaqda olan ailəsini xilas etməyə çalışdığına əmin olur. Lakin bu nəticə qısqanc qadını qane etmir və o, şübhələrindən əl çəkmək istəmir.

Anteya detektivdən ərini sınamağı və onunla flört edərək tələyə salmağı xahiş edir. Bu təhlükəli oyuna razılıq verən Derian Mayklı yoldan çıxarmağa çalışarkən tədricən özü bu cazibəyə qapılır. Hadisələrin gedişatı hər iki qadının nəzarətindən çıxır.

Rejissor Lindon Çabbakın çəkdiyi «The Right Temptation» filmi 2000-ci ildə ABŞ-da istehsal olunub. Baş rollarda Kifer Sazerlend, Coanna Kessidi, Adam Bolduin və Tom Trüdo çəkiliblər.